Computer operating system (ICT Tamil notes) part 01

கணினி இயக்க முறைமை

இயக்க முறைமை என்பது ஒரு முறைமை மென்பொருளாகும். இது ஒரு மெய்நிகர் இயந்திரம் (Virtual machine) அதாவது வன்பொருள் தகவல்களை மறைத்துப் பிரயோகங்களுக்கும் பயனருக்குமான இடைமுகத்தினை வழங்குகின்றது. இயக்க முறைமையானது வளப்பயன்பாடு, வளங்களை அனுமதித்தல், தவிர்த்தல் மற்றும் பிரயோக மொன்பொருட்களை முன்னெடுத்துச் செல்லல் போன்றவற்றைக் காண்காணிக்கின்றது.

இயக்க முறைமையின் பரிமான வளர்ச்சி

01. இயக்க முறைமை இல்லாத காலப்பகுதி (1940 - 1950)

• இதில் செயல்களை ஒன்றின் பின் ஒன்றாக மேற்கொள்ளும் தொடர் முறைவழியாக்கம் காணப்பட்டது.
• இதில் தனிப்பயனர் முறை (Single user)  காணப்பட்டது. 
• கணினி செயல்நிரலாளர்கள் அல்லது பயன்படுத்தபவர்கள் நேரடியாகவே வன்பொருளுடன் தொடர்புபட்டு அறிவுறுத்தல்களை கணினிக்கு வழங்குவர்.
• இங்கு இயக்க முறைமை இல்லை.
• செய்நிரல்கள் நேரடியாகக் கணினியால் உள்வாங்கப்படும்.
• கணினியானது Display light, Toggle switch இன் மூலம் செயற்படும்.

02. எளிய தொகுதி முறைமை (Simple batch system)

• செயலியின் பயன்பாட்டினை அதிகரிப்பதற்காக அறிமுகப்படுத்தப்பட்டது.
• குறைந்த செலவிலான இயந்திரத்துடன் செய்நிரல்கள் காந்த நாடாவில் பதியப்படும்.
• பணிசெயல்முறைமையானது நாடாவில் இருந்து ஒரு நேரத்தில் ஒரு செய்நிரலை மட்டுமே முறைவழியாக்கத்திற்காகக் கொண்டுசெல்லப்பட்டுச் செயற்படுத்தப்படும்.
• குறித்த செயன்முறையின் செயற்பாடு நிறவடைந்த பின், இதனுடைய வௌியீடு பிறிதொரு காந்தநாடாவில் சேமிக்கப்படும், பின்னர் அடுத்த செயன்முறை முறைவழியாக்கத்திற்காக எடுத்துக் கொள்ளப்படும்.
• முழுத் தொகுதி முறைமையின் முடிவில் வௌியீடானது செலவு குறைந்த இயந்திரத்தினால் அச்சிடப்படும்.

03. பல்நிரல்படுத்தல் தொகுதி முறைமை (Multi programmed batch system)

• தற்கால இயக்க முறைமையின் பிரதானமான எண்ணக்கரு இதுவாகும்.
• உள்ளீட்டு வௌியீட்டு செயற்பாட்டின் போது செயலியானது செயலற்று இருக்கும் நேரத்தினைக் குறைப்பதற்காக 3 ஆம் தலைமுறையில் இது அறிமுகப்படுத்தப்பட்டது.
• பல்வேறு செய்நிரல்களை சேமித்து வைத்திருப்பதற்கு நினைவகமானது பிரிவிடப்படுகின்றது.
• குறித்த செய்நிரல்களை உள்ளீட்டு, வௌியீட்டிற்காக காத்திருக்கும் போது, நினைவகத்தில் வேறொரு செய்நிரல் செயற்படுத்தவதற்கு இயக்க முறைமையானது செலியினை வழிப்படுத்தும்.
• நனைவகமானது பல செய்நிரல்களை வைத்துக் கொள்ளக் கூடிய நிலையில் இருக்கும்பொழுது செயலியானது 100% செயற்பாடும்.

04. நேரப்பகிர்வு முறை (time sharing system)

• செய்நிரலை செயற்படுத்தும் போது பயனருடனான இடைத்தொடர்பினை அதிகரிக்கவும் பதிலளிக்கும் நேரத்தினைக் குறைப்பதற்காகவும் அறிமுகப்படுத்தப்பட்டது.
• சந்தர்ப்ப ஆளியினைப் (Context switch) பயன்படுத்துகின்றது.
• பல்நிரல்படுத்தப்பட்ட செய்நிரல்களுக்கு இடையில் செயலியின் நேரத்தினைப் பகிர்ந்து கொள்ள உதவுகின்றது.
• பல்நிரற்படுத்தப்பட்ட செய்நிரல்களுக்கு இடையில் செயலியின் நேரத்தினைப் பகிர்ந்து கொள்ள உதவுகின்றது.
• பல்நிரற்படுத்தப்பட்ட செய்நிரல்கள் ஒரே நேரத்தில் செயன்முறைப்படுத்தப்படும் போது அவற்றை மதிப்பீடு செய்து அச்செய்நிரல்களுக்கிடையில் விரைவாக மாறும்.

இயக்க முறைமையின் பிரதாக செயற்பாடுகள்

• செயற்பாட்டு முகாமைத்துவம்
• வளமுகாமைத்துவம்
• பயனர் இடைமுகத்தினை வளங்குதல்
• காப்பு முகாமைத்துவம்

இயக்க முறைமையின் வகைகள்

• பயனர் அடிப்படையில்

1. தனிப்பயனர் (Single user) - ஒரு நேரத்தில் ஒரு பயனரே குறித்த கணினி முறைமையினை பயன்படுத்தக் கூடியதாக இருத்தல்
2. பற்பயனர் (Multi user) - ஒரு நேரத்தில் பல பயனர்கள் குறித்த கணினிமுறைமையினைப் பயன்படுத்தக் கூடியதாக இருத்தல்.

• பணி அடிப்படையில்

1. தனிப்பணி (Single task)  - ஒரு நேரத்தில் ஒரு பணியினை மட்டும் மேற்கொள்ளும்.
2. பல்பணி (Multi task) - ஒரு நேரத்தில் பல பணிகளை மேற்கொள்ளும் 

கோப்புகள் (Files)

ஒன்றோடொன்று தொடர்பு பட்ட தகவல்களின் தொகுப்பு கோப்பு எனப்படுகின்றது. இது பொதுவாக பைட்டுக்களின் வரிசை எனப்படும்.

கோப்பு ஒன்றினை இரண்டு வழிகளில் பார்க்க முடியும்.

1. தர்க்கரீதியான/ செயல்நிரலாளர் நோக்கு 
2. பௌதீக அடிப்படையிலான நோக்கு

கோப்புகளின் பண்புகள் (File Attributes)

• கோப்பின் பெயர்
• கோப்பின் வகை
• உரிமையாளர்
• இரண்டாம் நிலைச் சேமிப்பகத்தில் உள்ள இடம்
• கோப்பின் அமைப்பு
• பயன்படுத்துவதற்கான அனுமதிகள்
• கோப்பின் அளவு

கோப்பு வகைகள்

கோப்பு வகையினைத் தீர்மானிக்கும் ஒரு சாத்தியக்கூறான நடைமுறை நுட்பமாக, கோப்பு நீட்சி பயன்படுத்தப்படுகின்றது.

• இயங்கக் கூடியவை (.exe)
• வாசகம் (.txt, .docx)
• படிமம் (.bmp, .png, .jpeg)
• காணொளி (.vod, .flv, .swf)
• ஒலி அமைப்பு (.wav, .mp3)
• நெருக்கப்பட்ட (.rar, .zip)

கோப்பு அமைப்பு

• ஒரு கோப்பினது அமைப்பானது இயக்க முறைமையினால் விளங்கிக் கொள்ளக் கூடிய விதத்தில் அமையும்.
• ஒரு கோப்பானது அதன் வகைக்கு ஏற்ப குறிப்பிட்ட வரையறுக்கப்பட்ட கட்டமைப்பைக் கொண்டிருக்கும்.
• ஒரு வாசகக் கோப்பானது வரிகளாக ஒழுங்கமைக்கப்பட்ட எழுத்துக்களின் ஒரு வரிசையாக காணப்படும்.
• ஒரு பொருட்கோப்பு இயந்திரத்தைப் புரிந்து கொள்ளக்கூடிய தொகுதிகளில் உள்ள ஒழுங்கமைக்கப்பட்ட பைட்டுக்களின் ஒரு வரிசையாகும்.

தரவு எவ்வாறு சேமிக்கப்பட்டு மீட்டெடுக்கப்படுகின்றது என்பதைக் கட்டுப்படுத்த, கோப்பு முறைமை பயன்படுத்தப்படுகின்றது.

கோப்பு ஒதுக்கீட்டு அட்டவணை (FAT)

• FAT ஆனது Microsoft Disk Operating System (MS - DOS) இனால் அறிமுகப்படுத்தப்பட்ட கோப்பு முறைமைகள் ஆகும்.
• தேக்கச்சாதனங்களில் கோப்புக்களின் பாதையினைச் செமித்து வைத்திருக்க FAT பயன்படுத்தப்படும்.
• FAT மற்றும் Root Directory என்பன வட்டின் நிலையான இடத்தில் அமைவதனால் கணினி முறைமையின் தொடக்கக் கோப்புகள் சரியான இடத்தில் நிலைப்படுத்தப்பட்டு இருக்கும்.

புதிய தொழில் நுட்பக் கோப்பு முறைமை (NTFS)

• புதிய தொழிநுட்பக் கோப்பு முறைமையானது Microsoft நிறுவனத்தினால் உருவாக்கப்பட்ட FAT இலும் சிறந்த ஒரு கோப்பு முறைமையாகும்.
• புதிய தொழிநுட்ப கோப்பு முறைமையின் அனுகூலங்கள்
• வட்டு தொடர்பான பிழைகளிலிருந்து தன்னியக்கமாக மீட்டுக்கொள்ளும் திறன் கொண்டது.
• யுனிக்கோட்டு குறிமுறை பயன்படுத்தப்பட கூடியதாக உள்ளது.
• கூடிய கொள்ளளவினைக் கொண்ட வன்வட்டுகளுடன் இணைந்து செயற்படக்கூடிய தன்மை அதிகமாயுள்ளது.
• அனுமதியளிக்கப்பட்ட பயனர்கள் குறித்த கோப்பினை அணுகுவதற்கு அனுமதிகள் மற்றும் மறைகுறியாக்கங்கள் போன்ற பாதுகாப்பு நுட்பத்தினைப் பயன்படுத்துதல்.

கோப்பு பாதுகாப்பு

1. கடவுச் சொல்
2. அணுகல் உரிமை

போன்ற பாதுகாப்பு முறைகள் பயன்பாட்டில் உள்ளன.